詳細列明球員企位
《馬卡報》為谷銷量乜嘢招數都出齊，上場賽後反轉西班牙更衣室，喺垃圾桶搵到三張死球攻防圖，詳細列明球員企位同工作。該報記者如獲至寶，毫不吝嗇將猛料送畀廣大讀者睇，仲徹徹底底將球隊死球戰術分析，非常敗家。據《馬卡報》報道，西班牙防守角球時安排恩尼斯達同韋拿作反擊，守死球嗰陣所有球員都企喺禁區外，將對手攻擊球員逼出禁區。
另外，角球進攻時沙維同沙比阿朗素會哺位遠射，死球進攻嗰陣佩奧爾同碧基等都會入禁區。
今次《馬卡報》搞咁多嘢，最大得益者係敵軍德國，報道出街後引來西班牙球迷聲討《馬卡報》，逾五百球迷於網上留言狂插佢哋賣國，甚至有人話會杯葛佢哋，今次真係自己攞嚟衰。