梅萊要為英格蘭沖喜

梅萊在八強賽面對法國球手泰桑加，苦戰四盤以6比7（5/7）、7比6（7/5）、6比2、6比2獲勝，晉級後將碰上以3比6、6比3、7比6（7/4）、6比1淘汰蘇達寧的拿度。梅萊顯得相當有信心：「打到入賽事後段，個場啲草都差唔多冇晒，有人話個場變得似泥地對拿度有利，但我反而覺得佢似硬地多啲。其實喺硬地我都贏過佢幾次，只要自己發球做好啲，我有機會贏！」翻看往績，梅萊與拿度對賽十次只勝三仗，不過最近一次大滿貫在今屆澳網對碰，卻是梅萊贏波！

碧咸SMS打氣

梅萊今次可說是為英國人面子而戰，他坦言英格蘭在南非世盃慘遭德國淘汰後，英國體壇實在急需「沖喜」；再加上自從名宿柏利於一九三六年稱霸溫網後，再未有英國人在主場威過，所以梅萊想再重「溫」這個四分三世紀前的舊夢！況且，梅萊今次在英倫之地揮拍獲得不少重量聲援，先有英女王「御駕親征」於第一圈為他打氣，再有碧咸發SMS支持……如此備受重視，相信可打高幾班！

至於另一個決賽席位，將由把費達拿踢走的捷克球手博迪克，迎戰第三種子祖高域。（now671今晚7時直播）