巴西葡軍Hea住過關
「葡巴大戰」和波收場，兩軍齊齊出線16強！昨晚「死亡G組」落幕，巴西、葡萄牙賽前已經彈出，故今仗大戰氣氛亦不濃郁，「森巴兵團」甚至收起羅賓奴留力踢淘汰賽事。葡萄牙巨星C朗今仗演出賣力，惜多次處理罰球都未能威脅對手大門，雙方最終互交白卷完場，各得一分攜手晉級。巴西3戰積7分取得首名，而葡萄牙則以5分次名出線。
賽前因為巴西有6分在手，故今仗收起前鋒主力羅賓奴，而卡卡亦要停賽，故以路爾斯法比安奴及尼爾馬於前線攻堅。葡萄牙方面則「夫添」迎敵，基斯坦奴朗拿度、魯爾梅利斯、卡維奴等全部落齊，中堅比比亦在陣中。兩軍今仗打和就齊齊出線，故雙方踢來速度不高，到29分鐘尼爾馬左路接應妙傳抽射，被葡軍門將伊度亞度撲出後中柱彈出，未能打開紀錄。31分鐘，馬爾干右路零角度勁射越楣而去，38分鐘，馬爾干右路沉底高波傳中，路爾斯法比安奴迎頂，皮球彈地後高出，半場未有交收。
值得一提的是，兩軍踢得頗躁，其中葡軍比比踩菲臘比美路後腳尤其礙眼，葡軍半場已有四張黃牌，巴西亦有三張。
C朗冇帶眼射門
下半場葡萄牙隊長C朗發力，47分鐘疾走落左路底線傳中，惜被巴西隊長盧斯奧快腳剷走，4分鐘後處理罰球，但又省中隊友未竟全功。葡萄牙黃金入波良機於59分鐘出現，C朗於中場作出突破，扭過一關後高速疾走，但卻未能爆甩盧斯奧，兩個隊長短兵相接，皮球輾轉傳至中路，魯爾梅利斯趕到抽射，卻被施薩索拉斯救出。雙方之後戰情膠着，大家都滿足於0比0戰果，最後求仁得仁，互交白卷攜手出線。
世界盃今日賽程
周六10:00pm 16強 烏拉圭 Vs 南 韓
有線61台、有線64台、有線201台、中央5台
周日2:30am 16強 美 國 Vs 加 納
有線61台、有線64台、有線201台、中央1台、中央5台
*直播時間以電視台公布為準
■本報綜合報道