葡軍狂勝7球出線在望

葡萄牙7比0大炒北韓，C朗「海獅射球」搶鏡！昨晚G組賽事葡軍大開殺戒，憑堤亞高文迪斯梅開二度，魯爾梅利斯、沙保沙、曉高艾美達、列特臣各入一球，再加上C朗打破近16個月國家隊入球荒，炮製本屆決賽周最大比數比賽，亦成葡軍於世界盃史上入波最多的勝仗，兼將北韓踢出局。

魯爾梅利斯（右）在大雨中先開紀錄。（美聯社圖片）

北韓上仗僅敗予巴西，演出叫人眼前一亮，今仗挑戰葡萄牙被寄予厚望，或可再創奇迹，一報66年世界盃被淘汰之仇。事實上，北韓開賽後頭廿分鐘踢得有板有眼，車正革、洪映早、安英學等先後起腳極有威脅，但都未竟全功，之後就輪到葡萄牙發威。29分鐘，堤亞高文迪斯直線妙傳，魯爾梅利斯入楔勁抽打開紀錄，半場領先1比0。

7分鐘內連轟3粒

換邊後53分鐘，沙保沙右輔位地波抽入，之後曉高艾美達頭槌建功，加上堤亞高文迪斯入波，葡軍7分鐘內轟入3球，徹底擊潰對手鬥志。眼見隊友入波予取予攜，近16個月未為葡軍建功的C朗開始着急，70分鐘遠射中楣，難怪他擰頭苦笑。81分鐘，葡軍後備前鋒列特臣靠對手送禮射成5比0。6分鐘後，C朗終交到貨，北韓球員後場出錯，C朗衝門被敵衞所阻，皮球先跌中C朗背脊、繼而再彈到他頭部跌前，幾經辛苦先將皮球送入網窩。這個「海獅射球」動作趣怪，C朗入波後都笑不攏嘴，他亦當選今仗最佳球員。2分鐘後，堤亞高文迪斯梅開二度，湊成7比0大捷。