A組最後一輪分組賽，墨西哥跟烏拉圭只要打和便可攜手出線，最擔心佢哋會打默契波嘅自然係法國隊，不過墨、烏教頭賽前向呢支上屆亞軍大派定心丸。墨西哥領隊艾古爾表示，會盡力踢番擊敗法國時嘅水準，烏拉圭主帥泰巴尼斯亦話唔會留力，盡力搶首名出線。
目前，烏拉圭得失球差比墨西哥優勝，如果兩軍打和，首名就係烏拉圭，次名出線嘅墨西哥或遇上好大機會成為B組首名嘅阿根廷。