馬納當拿叫比利返「博物館」
【本報綜合報道】世界盃期間新聞多多的馬納當拿，向曾經批評他的比利及柏天尼隔空發炮，馬納當拿暗示比利過時，應該進入博物館，他又表示跟柏天尼只是「Hi and Bye」式朋友，大家並非太熟悉。
比利日前指馬納當拿因為「等錢使」，所以接任阿根廷領隊，而且阿根廷足總決定錯誤，「上帝之手」對此回應不慍不火，反寸比利已經過時：「佢咁樣講我絕唔會覺得奇怪，因為佢應該返番博物館。」
被問到柏天尼指他只是好球員，不是好領隊，見慣江湖的「肥球王」則表示，自己與柏天尼並非很熟，見面只會say hi and bye，其後佢回應句句有骨：「大家都知法國人係點，柏天尼係法國人，佢相信自己好過晒所有人。」
「可以搵佢哋試吓個波」
馬納當拿似乎並未滿足，有記者問他對今屆世界盃入球偏少有甚麼看法，他又趁機扯上比利及柏天尼身上：「只係第一場啫，大家睇長啲先，我認為太多人講個波喇，我唔應該再講，不過，你哋可以搵比利同柏天尼試吓個波，等佢哋研究吓，唔好喺度研究我。」