湖人明晨要贏波，就要打破多個宿敵，其中一個宿敵係同世界盃有關，何解？因為塞爾特人喺「世界盃年」特別旺，先後喺62、66、74及86年奪得冠軍，其中三屆係要打到第七回合，最終贏4比3，有冇咁蹺呀？
塞爾特人4次世界盃年封王，其中兩次就係贏湖人，而比數都係贏4比3，唯一唔同嘅係，湖人之前兩次喺第七回合輸畀「綠軍」都係作客，而今次係主場。
事實上，塞爾特人打入總決賽嘅奪標率甚高，20次入總決賽贏咗17次，而湖人30次打入總決賽，只係贏過15次，奪標率得五成。另外兩隊亦曾喺總決賽碰頭11次，塞爾特人贏咗9次，只係輸過兩次。