瑞士天王費達拿繼續發揮「草地王」霸氣，佢喺德國哈雷網賽轟出12個「A士」，以7比5、6比3擊敗本土球手哥爾斯里巴，僅花1小時9分鐘便闖入四強。至於新任世界「一哥」、西班牙「野獸」拿度，在王后會盃出局後，已返家鄉休息。本身係足球發燒友嘅拿度話會瞓身睇世界盃，而瑞士同西班牙會喺周三碰頭，將係網壇兩大天王球場外嘅另一次鬥法。