【本報綜合報道】NBA總冠軍誕生後，球隊嘅所屬城市通常會出錢搞巡遊，與民同樂一番。不過今年如果湖人贏波嘅話，可能會破天荒取消祝捷儀式，因為洛杉磯市政府陷入財困，已表明唔會出錢資助，而湖人亦唔想自己掏腰包，贏波巡遊隨時胎死腹中！
湖人去年奪得總冠軍後，市政府原本出180萬美元搞巡遊慶祝，但由於好多市民反對，最終要一位富豪出面畀一半費用，先令巡遊可順利舉行。
洛杉磯市政府今年嘅財政狀況仲差過去年，赤字高達4億8,000萬美元，所以市政府已表明唔會畀錢湖人搞巡遊，不過湖人發言人表示，一旦奪標，會向外界籌集資金，所以叫球迷唔使太擔心。