多架名車藏大麻
近年被球迷指為「毒瘤」嘅蘭度夫，今季改投灰熊後意外打出代表作，早前更打入全明星賽，成功鹹魚翻生。但佢日前捲入一單販毒案，話說警方接到線報跟蹤佢朋友，及後發現佢架車有暗格，並收藏大麻，基於該車主人正係蘭度夫，所以警方隨後到蘭度夫租用嘅倉庫再作搜查，竟發現佢其餘嘅名車都藏有大麻，令人懷疑蘭度夫就係主謀。
不過，蘭度夫透過律師指出，被捕者只係佢一名僱員，所以對於藏毒根本毫不知情，而據悉灰熊亦相信蘭度夫，打算發聲明撐呢位主將。蘭度夫早年亦試過被警方發現車輛藏有大麻，此外亦衰過販賣槍械及醉駕等，難怪惹人懷疑。