洋基25.6億膺世界最值錢體育品牌

曼聯22.2億居次

今次《福布斯》係根據球隊冠名權、門票收入、官方贊助、球隊商品等各個主要收入來源，對足球、籃球、棒球、冰球、美式足球等147間球會進行評估，從而選出價值最高嘅十間球會。十大入面英式足球隊估咗五席，其中被指價值高達2億8,500萬美元（約22億2,000萬港元）嘅曼聯排名最高，位列第二，比起排首位紐約洋基嘅3億2,800萬美元（約25億6,000萬港元）約少4,000萬美元。

除曼聯外，另一支英超球隊阿仙奴就排第七，反而今季成為英超及足總盃雙料冠軍嘅車路士十大不入。至於今季四大皆空嘅西甲勁旅皇家馬德里則僅次曼聯排第三，其宿敵應屆聯賽盟主巴塞隆拿排名第五，證明球會嘅市場價值跟球會成績冇直接關係。