拜林頭痛照入樽

早前有報道話拜林除咗腳傷之外，腦部神經亦出咗問題，令佢喺場上反應遲緩，而且感到頭痛。不過拜林好有鬥心，話唔會影響佢出場嘅表現：「我諗只係心理上有陰影，影響咗場上嘅發揮，下場我一攞到波就會大力入樽，唔會諗咁多㗎嘞。」

巫師喜獲選秀頭籤

此外，華盛頓巫師喺尋日嘅新秀抽籤脫穎而出，獲得來季嘅狀元籤。上季常規賽成績最差嘅籃網，僅得到第三位選秀權。據美國媒體報道，巫師好可能會挑選肯塔基大學嘅控衞約翰華爾，呢位身高６呎４吋嘅新星，得分能力極強，甚有公牛球星戴歷羅斯嘅影子。