馬刺0:3落後鳳凰城 真路比利認輸

自○三年開始，馬刺近四次喺季後賽碰上太陽，都能順利出線，可惜今季形勢逆轉，太陽尋日作客以110比96擊敗馬刺後，場數已領先至３比０，出線在望，而拿殊及格蘭希爾等老將亦狀態大勇，馬刺哀兵的確難有資格翻盤。正如真路比利賽後所言：「我哋試過用不同方法對付對手，可惜都無功而還，球員都感到洩氣。」

鳳凰城明早受讓值博

事實上馬刺要連贏四場出線，的確係一件非常困難嘅事，所以球員第四戰能否打出鬥志，確成疑問。相反鳳凰城為免夜長夢多，明早就一定同你搏命爭勝，既然今場有得受讓，下盤值得捧場。