上仗僅以４分不敵南華嘅安青，今出戰甲一男籃聯賽，勢搵弱旅遊協「出氣」，希望打響勝鼓，比賽於今晚七時假修頓室內場鳴笛。至於尾場八時半就由永倫火併福建，憑銀牌兩挫福建嘅往績來看，永倫要實現聯賽「四連勝」機會高唱入雲。比賽門票分30元及優惠票20元，即場有售。另外，昨晚女甲賽事，褔建以70比65勝南華，中銀香港勝悠悠79比37。