拓荒者可再破鳳凰城

艾迪列治發威追和2:2

拓荒者嘅得分後衞萊爾早前因為半月板施手術而缺陣半個月，但佢嘅康復情況比預計中理想，故決定提前復出，昨日後備出場27分鐘有不俗表現，全場取得10分，聽日有機會正選落場，不過拓荒者今仗嘅贏波功臣係艾迪列治，呢位大前鋒今場貢獻31分及11個籃板球，光芒四射。

拓荒者對太陽可以話西岸最緊湊嘅對碰，兩隊都未能喺自己主場贏晒兩場，暫時打成2比2平手，太陽明早返回主場，表面上佔有優勢，但太陽近四次主場對拓荒者都係勝負參半，加上拿殊季後賽演出一般，近三場得分都喺二十分以下，睇嚟拓荒者有機會再下一城。