大帝明恰羅斯仔！

騎士上場被公牛領袖戴歷羅斯舞到陀陀擰，「大帝」勒邦占士賽前話會出手「鎮壓」羅斯仔。

騎士唔輕敵可再劏「牛」

大帝話：「有需要嘅話我一定會防守佢，不過我認為球隊應該輪流防守羅斯，以唔同高度、唔同身形及唔同速度，令佢較難適應對手，更難發動攻勢。」

事實上，只要騎士能夠凍結戴歷羅斯，公牛贏波機會就會大減，加上騎士剛嘗敗績，眾將必定唔敢再輕敵，肯定加多兩錢肉緊，騎士第四回合應可重拾贏波滋味。