公牛趕搭尾班車

戴歷羅斯：未可放鬆

因對賽成績不及速龍，公牛再有差池，幾可肯定緣盡季後賽，故球員打得特別有火，中鋒諾亞藉保殊缺陣強攻內線，個人貢獻「雙雙」18分及搶得19個籃板球，而球隊全場合共有六人攻入雙位得分數字，整體發揮勝過速龍。

其中攻入26分嘅公牛主將戴歷羅斯賽後表示：「今場全靠諾亞，佢喺場上永遠鬥志驚人，一直在激勵隊友，大家都被佢嘅動力所感染！不過我哋仲有兩場賽事先完成任務，所以現時仲未可以放鬆。」

公牛贏波後成績為39勝41負，較速龍多一場勝仗，形勢大好，相反速龍嘗到五連敗，現時狀態咁差，睇怕餘下兩仗都大有機會失分，難搭上尾班車。