持槍狂人唔使踎監

亞連拿斯藏槍案擾攘多時終於有了裁決，原本檢察官希望法官能判處「狂人」入獄三個月，皆因亞連拿斯明知在華盛頓持槍屬違法都去做，加上佢在事件上一而再講大話，擺明掩飾真相，但法官考慮到佢身份特殊，所以最終都係從輕發落。

檢察官向傳媒表示，若犯人如非像被告般有地位及金錢，相信佢肯定要入獄。至於「狂人」就透過律師發表聲明，表示佢滿意判決，並會全心投入社會服務及感謝法官畀機會佢重返賽場。因巫師現時仍未與亞連拿斯解約，所以「狂人」有機會在下季重返NBA。

易建聯31分締新高

比賽方面，易建聯尋日攻入職業生涯新高31分，協助籃網以118比110擊敗活塞，今季首次連勝。籃網贏得第九場勝仗確值得高興，因為佢哋已肯定逃過成為史上常規賽最差戰績嘅球隊。