勇士決定賣盤

高漢擁有金州勇士已十七年，但球隊成績一直未有大突破，令佢意興闌珊，並決定賣盤，高漢話目前正物色好買家，但唔會心急，除艾利臣外，據悉名宿「魔術手」莊遜亦有意入股。

全球第六大富豪或接手

「波神」米高佐敦早前以2.75億美元（約21億港元）收購山貓，估計勇士嘅價錢會高於此數。艾利臣身家豐厚，係全球第六大富豪，根據《福布斯》公布嘅富豪榜，艾利臣有280億美元（約2,200億港元）身家。

對於勇士即將易手，教練尼爾遜話冇意見：「我出年就七十歲，都係時候退休，我同球會仲有一年合約，但隨時可以走人，所以我唔會擔心自己嘅飯碗。」