（有線165台周四早上7時直播）
速龍失準五連敗
速龍最近可謂遇上今季最低潮，自月初贏完紐約人之後，常規賽連輸五場，表現令人擔心。雖然五場比賽中，有四場係作客西岸，但其實對手並唔難應付，當中包括帝王及勇士等已緣盡季後賽嘅球隊，速龍落敗完全反映球隊缺態。事實上除「龍王」保殊能保持水準之外，其餘主力如巴格蘭尼及陶告魯均欠穩定，亦成為球隊低沉嘅主要原因。
相反鷹隊就表現平穩，近兩戰分別擊敗巫師及活塞，並已搶走塞爾特人嘅三哥位，力逼魔術。再者，鷹隊今季兩戰速龍都大勝對手，首戰贏31分，而第二場就贏22分，對親速龍咁有把握，今場要再追鷹隊。