02/03/2010

播放本新聞相關短片

永倫搵安青試劍

香港銀牌籃球賽喺上個禮拜五已經正式開波，衞冕嘅南華輕鬆擊敗愉園晉級；而另一支勁旅永倫亦喺今晚登場，首圈賽事即迎戰上屆季後賽季軍球隊安青。永倫今屆得到蘇伊俊、葉嘉浩及陳兆榮三個年輕球員加盟，再配合潘志豪、方誠義、香振強等舊將，令球隊增加咗活力；相反安青陣容遭到「大清洗」，奪季功臣只係剩番個歐陽維江，其他都係新加盟嘅年輕球員。好彩嘅係呢班「生牯仔」嘅質素都有番咁上下，其中殷兆俊、徐遠成、鍾俊昇都曾經係學界賽嘅MVP分子，論實力應該算唔錯，但比起永倫仍有一段距離。