火箭從「三方交易」中獲得四名新球員，但他們面對溜馬僅得奇雲馬田一人後備上陣，而佢嘅手風似乎亦唔多順暢，上陣31分鐘16射僅3中，幸罰球9射8中，全場獲得14分。

至於溜馬射手格蘭加就大爆發，個人轟入36分，協助溜馬大勝，並終止四連敗。火箭教練阿杜文賽後表明唔滿意火箭球員嘅作戰態度，大鬧球員防守唔夠硬淨，成為輸波主因，但佢就避談奇雲馬田嘅表現。