何智豪陳慧琪反轉花市親派利是

「風帆鴛鴦」何智豪及陳慧琪已經結婚三載，但今年才是他們婚後首次在港度歲，可以親身體驗一下派利是的感覺，慧琪笑稱：「一邊入利是，個心都有啲『赤』，但冇所謂啦，最緊要開心啫。」

對於今日是年初一又是情人節，這對年輕夫婦異口同聲話：「中國人嘛，應該年初一重要啲，難得可以同屋企人一齊，我哋結婚之後都未試過喺香港過年，好多親戚都要去拜訪。」

情人節「奇」送水仙花

原來慧琪非常喜歡逛花市，日前就拖住「老公仔」阿豪到維園走一趟，兩口子走到年宵市場相當興奮，慧琪更有備而來，帶同「私伙」相機，乜都影一餐。

問到阿豪情人節有何表示？他即回答：「送咗花啦！（乜花？）水仙花！」他補充這是「老婆仔」慧琪喜愛的花，慧琪搶答：「水仙花好香㗎，擺喺屋企全屋都香晒。」情人節送水仙花，你哋都算另類咯！

羅曉鋒李嘉文日日都係情人節

拍拖近六年的「划艇情侶」羅曉鋒、李嘉文，在這個數十年才一遇的「雙節」大日子，決定選團年棄情人節，阿鋒搶着說：「我哋唔會為情人節安排特別慶祝，應該會整天留喺Carmen屋企拜年，同佢屋企人齊齊過節。」接着，他更甜絲絲的望着女友道：「反正我哋『日日都係情人節』，呵？」在旁的Carmen雖然有點害羞，但也很有默契的連連點頭。

亞運後考慮拉埋天窗

不過，不慶祝不代表沒準備，陽光大男孩阿鋒原來非常有心思，酷愛攝影的他悄悄地透露早已準備兩份情人節禮物：「我會送一本自己親手做嘅相簿，裏面全部係我同Carmen個多月前瑞士之旅嘅照片。另外，我會送隻錶畀佢，事關我發現佢欠缺一隻成熟啲嘅手錶！」

至於Carmen則坦言沒特別準備禮物給男友：「我唔會為情人節而送禮物，反而平時睇到合心水嘅就會買畀佢。」這對「甜到漏」的情侶更稱會在年底亞運後考慮拉埋天窗，那就趁年初一這個大喜日子，祝他們願望成真！

帖雅娜唐鵬喜事成三冧足兩晚

去年底東亞運期間拉埋天窗的「乒之戀人」帖雅娜和唐鵬，由昨日年三十晚慶祝到大年初一，皆因唐鵬在年三十晚出世，今年有老婆陪住食團年飯兼慶祝生日，已經「冧」到爆，然後再過農曆新年加情人節，更係「冧」上加「冧」！這對新婚夫婦今日情人節將在深圳的唐鵬父母家，跟兩老齊齊度過。

生育大計湊個好字

趕及在虎年首次派利是，老婆帖雅娜笑謂封利是時「感覺有點心痛，但也開心」。從三年前「唐帖戀」開始萌芽，每年農曆新年幾乎都在比賽中度過，今年難得可以在家過年兼慶祝情人節，顯得更加彌足珍貴。

問到想要甚麼情人節禮物，一向是手袋迷的帖雅娜嬌嗔而不客氣說想要「奢侈品」，更甜笑道「老公甚麼也會買給我」，錫老婆錫到燶的唐鵬應該識做吧。不過，這對「乒壇夫妻」也認真地想過兩人的「生育計劃」，帖雅娜說：「因為有了家庭，也應該留點錢，最想生一男一女，湊個『好』字！」兩人更不排除有了孩子的話，阿帖就會退役做全職「唐師奶」！

傅家俊台灣叉電博反彈

從英國回港度歲的Marco稱：「年初四我會飛去台灣玩幾日，希望旅行可以幫自己『叉電』，我希望虎年世界和平，人人心想事成，自己就事業反彈，年底再助港隊亞運爭金牌。」

蔡曉慧虎年運程貼中晒

今年正式退役不用再練水的蔡曉慧稱：「年初一都係同屋企人去拜年囉，晚上就會同親戚食飯，齊齊慶祝。虎年運程話我會有新嘗試、多機會，呢個全中啦，因為我已經唔係運動員，又試做節目、返工同教水，樣樣都係新鮮㗎！」

王史提芬身體健康少傷病

農曆新年將在美國備戰的王史提芬稱：「期望新一年可以事事順利，少啲傷病，千祈唔好要入醫院，身體健康啲，比賽就可以爭取更好成績。」

趙詠賢煎蘿蔔糕餵男友

最愛食蘿蔔糕及年糕的趙詠賢稱：「情人節撞新年，梗係新年大過天啦，我哋都係孝順仔女，年初一要去長輩度拜年，或者夜晚有時間同男朋友去睇戲啦。（送乜禮物畀男友？）煎舊大啲嘅蘿蔔糕畀佢食囉！」

葉姵延親整蛋糕送父親

已經為新年美味食品「熱身」的葉姵延稱：「年三十晚又撞啱爸爸生日，所以我特別整咗個蛋糕，喺團年飯後齊齊分享，我仲特別買咗兩個小揮春電話繩送畀爸媽，作為新年小禮物。」