其實今次高比仔同「大帝」嘅廣告，只係想表達兩人均不遺餘力比賽，不過因為當中涉及「槍」嘅標語，所以引嚟回響。高比仔在廣告中提到：「我會竭盡所能去爭取贏波，我唔會保留任何東西喺我槍膛內。」其實高比仔只係用槍及子彈去比喻自己每場都會悉力以赴，可惜在此非常時期就被傳媒質疑。

勞資談判下調薪金上限

NBA發言人法蘭就大肆批評：「我哋之前並冇收到廣告商通知，我哋認為事件並不恰當。」至於主角高比拜仁則指出，廣告係一個月前製作，佢亦明白依家非常時期，係唔應該有涉及槍械嘅言論。

不過，占士就力撐呢位夢八隊友：「根本同槍械無關，呢句說話只係好普遍嘅籃球術語，點會涉及槍擊或暴力問題呢！」

另方面，NBA一眾老闆開始靜靜起革命，因為今周將會進行新一輪勞資談判，老闆們打算提出將球員頂薪調低至每年1,500萬美元，原因係經濟衰退，經營已非常困難，現時頂薪球員高比拜仁年薪就超過2,300萬美元。