亞連拿斯日前與律師及NBA球員工會負責人，一同前往NBA總部會見史端，商討罰則內容。據悉史端向亞連拿斯提交兩個選擇，第一係停賽至季尾，但就唔容許NBA球員工會作出上訴；第二就係停賽82場，亦代表停賽期會延長至下季賽事。最終亞連拿斯選擇前者，合共停賽50場，僅次於阿堤斯與球迷毆鬥停73場及史必威打教練停68場，成為NBA史上第三大罰則。但亦表示佢下季可以復出比賽。

史端︰他已有悔意

史端與兩人會面後表示：「他們已為事件感到悔意，經過協商後，兩人均願意從事社區服務等事項，以幫助他們吸取教訓。但在此要嚴正聲明聯盟不容許再有類似事情發生，所以我們向兩人作出重罰停賽，並容許球隊暫停支付兩人今季餘下嘅薪金。」

三月上庭或需入獄

除停賽之外，亞連拿斯亦要在三月廿六日上庭接受判決，因佢早前已經認罪，所以有可能被判處入獄半年。今次藏槍事件對亞連拿斯可謂損失慘重，停賽50場將損失740萬美元薪酬，此外贊助商早前亦已同佢解約，據悉巫師亦正考慮與呢位「狂人」提早解約，真係早知今日，何必當初。