加納特喺去年十二月整傷膝頭，直至本周二先首次復操，但加納特表示自己年紀唔輕，所以唔急於復出，等自己處於最佳狀態才亮相。加納特慨嘆時光飛逝：「後生嘅時候，我覺得自己渾身是勁，巴不得立即落場，但依家會以大局為重，以免加重傷勢。」

明鬥拓荒者登場

塞爾特人尋日作客不敵活塞八十六比九十二，射手雷阿倫手風唔順，全場十投僅三中得八分，另一主將皮雅斯亦希望加納特盡快復出：「我哋唔係為輸波搵藉口，但我相信加納特在場嘅話，球隊嘅戰鬥力會大幅提升。」

至於拓荒者近況不俗，尋日作客以九十八比九十擊敗76人，近四仗贏三場，早前有傷嘅射手萊爾亦喺尋日復出，兩支勝率超過六成嘅球隊都有主將復出，令今場可觀性大增。