雖然奧尼爾已無復當年勇，但佢嘅成就同貢獻依然值得尊重，佢日前就作出呼籲，希望今屆明星賽嘅入樽大賽，可以邀請「大帝」勒邦占士、高比拜仁同卡特三大猛人一齊競爭，並且將籌得嘅款項捐畀海地災民。

奧尼爾表示：「入樽賽嘅吸引力愈來愈弱，主要原因係冇大牌球星參加，我建議出巨額獎金，再加埋籌款，令賽事有意義得來又有睇頭。」不過日前賽會公布嘅名單，並冇「大帝」在內，睇嚟奧尼爾嘅建議都難以成事。