本文重點
騎士尋日作客爵士大意失荊州，喺賽事剩餘32.5秒時，仍領先６分之際竟被爵士翻盤！爵士憑永不言棄精神，最後時刻由外號「Yata」嘅無名小將加尼斯一記絕殺三分，以97比96贏波，結束對騎士嘅四連敗。
爵士尋日都算不可思議，在第四節剩餘32.5秒仍落後85比91，足足有６分差距，但都畀佢哋追得番。爵士先憑派斯嘅三分球及米沙比嘅罰球追貼分數，加上騎士有伊高斯卡斯及安東尼柏加兩罰只能一中，在餘下5.6秒時僅領先爵士兩分，結果爵士喺最後時刻由新秀加尼斯射入絕殺三分反敗為勝。
亞連拿斯落案最高囚五年
一戰成名嘅加尼斯原來上星期先同爵士簽下一紙十日球員合約，而今場亦只係佢個人生涯第五場ＮＢＡ賽事。騎士有勒邦占士射入全場最高嘅36分，可惜都要輸波。
另方面，巫師主將亞連拿斯因為非法藏槍，並在公眾場合攜帶及展示槍械被正式檢控，若罪名成立，最高罰則入獄五年。
■本報綜合報道