湖人明晨主場面對公鹿，基於呢支上季總冠軍尋日又再輸波，常規賽兩連敗，預期佢哋會知恥近乎勇，大打翻身戰，可望大炒一場！（有線165台及體育台62周一早上10時30分直播）
高比浪射 不敵拓荒者
湖人尋日面對拓荒者大失水準，作客輸98比107，遭逢兩連敗，球隊跌Watt最大原因係高比仔事隔多年後再做「浪射王」，佢今場賽事起手次數達到37次，但只係入得14球，係今季起手次數最多嘅一場，可惜命中率唔高，難怪賽後備受猛烈批評。
其實高比仔前一場對快艇時，命中率已偏低導致球隊落敗，但呢位「戰神」向來好勝，失敗過後往往能夠激發鬥志打出驚人力量，所以湖人明晨有主場之利下面對公鹿，預期可以一洗頹風。