巫師主將亞連拿斯早前被發現違規帶槍進入主場館儲物櫃內，而佢就解釋只因希望槍械遠離初生女兒，但日前就出現另一版本。據包括《紐約郵報》及ＥＳＰＮ在內等多個美國媒體都披露，巫師在十二月十九日由鳳凰城飛返華盛頓，而不少隊員正在飛機上玩撲克，有指亞連拿斯因為唔服輸，與向來有心病嘅基坦頓發生口角。

同基坦頓揸槍互指

兩日後兩人在一次操練中摩擦升級，「狂人」更走到更衣室拿出三支槍放在椅上恐嚇基坦頓，後者怒火中燒亦表示自己有槍會還擊，據悉此時兩人即時拔槍互指，幸好有隊友勸阻才避免發生悲劇。

事件曝光後，亞連拿斯即時在個人Twitter上表示傳媒「作嘢」，佢同基坦頓根本從冇「互指」，更指出兩人只係比較邊個把槍比較大支。而亞連拿斯嘅爸爸亦力撐兒子唔會用槍指嚇隊友，佢帶槍入場只係一心保護在家嘅女兒。因事態嚴重，亞連拿斯已打算控告《紐約郵報》歪曲報道。現時警方及ＮＢＡ有關方面已經介入調查，因球員帶槍入球場已違反ＮＢＡ規例，預期亞連拿斯及基坦頓都會遭受罰款及停賽，但若然兩人被證實拔槍互指嘅話，隨時面對更重刑罰。

■本報綜合報道