阿聯今季都算多災多難，季初僅上陣三場後，就因傷休戰，早前復出在即，又在操練時被隊友撞爆嘴唇，要縫針拖延復出時間。不過一切都雨過天青，久違復出嘅阿聯首戰對木狼，上半場已經７射５中，攻入12分及４個籃板球，顯示出強勁狀態，而今場最抵讚係阿聯三分球６射４中，造就佢刷新個人今季得分新高22分，打出今季代表作。

麥基迪棄戰明星賽

阿聯賽後表示：「雖然今場初段跑起來有點喘氣，但及後已逐漸適應回復正常。」

至於另一個近年飽受傷患困擾嘅火箭球星麥基迪，日前亦發表聲明唔會參加二○一○年明星賽。明星賽經過首輪選票後，麥基迪在西岸後衞排名僅次於高比拜仁列第二位，大有機會打入今季明星賽。