恐成綁架目標

其實美國法院於○八年時，已經判決杜域侯活前女友里德唔可以公開發放兩人所生嘅兒子相片，當中包括任何網站或網誌等，但里德最近卻將相片上載了分享網站Twitter。「魔獸」對此非常憤怒，佢深明自己係一位高收入嘅公眾人物，若然被人知道兒子嘅樣貌，或因此成為匪徒嘅綁架目標，對其子人生安全會構成威脅。

杜域侯活希望以索償去阻嚇里德唔好再違反禁令，據悉因為里德嘅Twitter上有285個分享者，所以杜域侯活決定要每人支付500美元，故今次入稟法院向里德索償14.25萬美元。其實侯活早前已曾經控告里德，後者在網上發表要求侯活返屋企探下個仔，但因法院已頒發「封口令」，里德唔可以於網上提及侯活任何事，所以「魔獸」認為有損其聲名，向里德索償920萬美元。