東亞運羽毛球男子團體賽，由林丹所帶領嘅中國男團隊可謂「靜英英」攞金牌。原來今場比賽安排喺上班時間九點在新伊館開打，加上撞正劉翔出賽同埋郭晶晶抵港，搞到班傳媒以及迷哥迷姐都衝晒去將軍澳運動場及香港國際機場，搞到羽毛球賽現場冷冷清清。
喺呢場「靜英英」嘅男團比賽，林丹坦言唔太習慣。不過中國隊實力始終較高，林丹先以直落二比○擊敗南韓球手孫完虎，為國家隊先下一城。及後諶龍及杜鵬宇分別贏波，縱然當中曾輸掉一場雙打，但中國仍以總分三比一擊退南韓奪金。
賽後林丹被問及女朋友謝杏芳有冇來港，呢位羽毛球好手又同記者耍太極：「謝杏芳來了嗎？我現在還沒有看到她啊！」
