本文重點
東亞運跳水項目正式展開，中國繼續保持其「跳水王國」地位，首日即連擸三金。揭幕戰男子三米板決賽，中國選手李世鑫以及林勁以無敵姿態分別奪得金銀牌。冠軍得主李世鑫全場發揮穩定，呢位有「難度王」之稱嘅海軍選手，於第三跳挑戰難度系數高達3.7嘅動作，雖然壓水花效果略兼不足，但勝在難度搭夠，單跳取得85.1分。
李世鑫稱王 屈琳封后
其實排行第二位嘅林勁不斷向隊友李世鑫施壓，最後一跳更取得全場最高嘅91分。可惜為時已晚，林勁只能以總分476.2得到亞軍，而冠軍李世鑫總分為495.15，季軍係南韓選手全慶敏。
至於女子一米板方面，中國隊同樣包辦冠亞軍，屈琳以總分297.55贏得金牌，劉嬌以294.05得銀牌。壓軸項目係男子雙人十米高台，實力超班嘅陳艾森及張雁全組合，喺全冇壓力之下，為中國輕取跳水第三金。