翔字Tee夠架勢

「劉天王」早上初賽甫出場已獲得特別優待，全場掌聲雷動歡迎這名「國寶級」運動員，而他亦特意穿上一件「翔」字款式Tee登場，甚為架勢。結果，劉翔不負眾望，於初賽以14秒02輕鬆拿下第一名進身決賽。

在中午返酒店休息一會後，劉翔於下午三時二十分舉行的決賽再度登場，由於場內支持者入座率已超過九成，故這位「老江湖」相當識做，多番以揮手、舉手等型人動作來換取歡呼喝采。到了決勝之時，劉翔在頭兩個欄已經輕易帶出，毫無對手下更在終點前「收步」，做出13秒66成績奪金，比起取得銀牌的國家隊隊友紀偉快上0.22秒，盡顯「欄王」風範。

放大圖片	放大圖片	巨星即係巨星，劉翔足迹所至，時刻都被大批傳媒重重包圍。
翔家班成員，人人都着起翔字Tee，易認又搶鏡。	香港體育苦主大聯盟昨到將軍澳運動場外示威，抗議港隊選拔過程不公。 （陸智豪攝）

面對傳媒心情靚

賽後近百傳媒蜂擁追訪，劉翔亦花上超過二十分鐘回應記者所有提問，足見他的心情靚絕。而在頒獎禮期間，他想除下風褸顯示其「翔」字款式Tee，可惜當拉開拉鏈後才發覺自己把這件Tee「掉轉」了，尷尬地拉回拉鏈。而頒獎禮過後劉翔更把吉祥物公仔拋上觀眾席，又掀起了一場騷動。

另外，教練孫海平接受訪問時表示，他與劉翔今天已相約友人敍舊，明日才離港，但劉翔在記者會上又說自己會在今天離開，估計是劉翔玩得太開心，連自己幾時走都忘記了。

小蕉：學校有派飛所以咪嚟睇比賽，我上晝冇睇初賽。好彩決賽睇到劉翔比賽，佢有很多古怪動作，真人好有型呢！	（左）江鈺渟（右）關仲伶：我們最初都唔知劉翔有比賽㗎，知道咗之後已準備咗畫冊，希望索取簽名，可惜唔成功，有啲唔開心。	袁先生：我本來帶咗一幅八呎Banner嚟打氣，但被保安以安全理由沒收。賽場冇Banner邊有氣氛㗎？覺得好無奈囉。