東亞運足球賽知名度唔算高，所以好多外國博彩公司都冇開盤，不過仍有部分外圍開盤，但要到比賽前先接受投注，由於同時段冇乜比賽進行，據悉投注額頗為理想。

港隊喺東亞運之前三場賽事都贏盤，首仗對南韓受讓球半、兩球，結果贏四比一，對中國受讓一球、球半，輸波贏盤，而四強對北韓受讓半一亦贏盤，隨着香港隊表現愈來愈好，操盤手對香港嘅評級已經提高，估計決賽對日本唔會受讓太多。

「港男」曾兩奪亞運金牌

港足今日決戰日本，爭奪首面大型綜合運動會足球金牌，不過，其實香港土生土長的足球員，早在上世紀五十年代（五四及五八年）已曾兩次奪得亞洲最高榮譽的亞運會足球金牌，只是他們當時所代表的並非香港，而是中華民國。