南非出名治安差，各國代表對當地警力冇乜信心，為免隊中天價球星畀人綁架，所以紛紛請私人保鏢貼身保護，仲要搵駐伊拉克同阿富汗等優質保鏢。有保安專家指出，南非最大問題為攔途搶車嚴重，講到咁猖狂，如果唔想成為綁架目標，咁就要搵多幾個大漢傍住喇！
阿根廷搶贏最正訓練場
與此同時，阿根廷擊敗英、意、德奪比勒陀利亞訓練場！決賽周明年六月才舉行，但當地訓練場已非常搶手。
比勒陀利亞訓練場屬南非欖球隊主場，設備夠晒先進，成為唔少強隊目標。阿根廷成功搶場，阿根廷足總會長格蘭當拿兒子表示：「我哋快快手同有關方面達成協議，因為意大利、英格蘭同德國都出高價搶。」