今屆世界盃決賽周抽籤，三十二支球隊分為四個檔次，第一檔次係種子球隊，當中包括被編於Ａ組嘅南非，第二檔次係亞洲、大洋洲及中北美洲球隊，第三檔次係南美、非洲球隊，而第四檔次則係包括法國、葡萄牙等勁旅在內嘅歐洲球隊。除歐洲外，同組唔會有兩支球隊來自同一洲份，例如南非唔會同其他非洲隊同組，種子隊巴西、阿根廷就一定會與非洲球隊同組。
嘉賓「一摸即知」
近幾屆世界盃抽籤前都傳出「內定」傳聞，因為主辦國例必抽好籤，例如○六年德國世界盃，有傳媒就爆料話抽籤嘅「波」係以唔同溫度識別，令負責抽籤嘅嘉賓可順利抽出預先內定嘅結果，但是否屬實則無從證實。