咁搞法點辦亞運？

香港「單車天王」黃金寶昨日與總教練沈金康由深圳返港出席體院的青少年運動員頒獎典禮時表示，至今還未確實了解東亞運單車比賽路線，對此他甚感失望，並坦言對訓練有影響，他氣憤地表示：「咁樣主場優勢等於冇咗，我真係有啲失望，或者東亞運可以咁，但要辦亞運就一定唔掂。」阿寶稱今年全運會前半年已確知賽道資料，而九八年奪得曼谷亞運會金牌時，更於一年前已獲取資料。

阿寶認為香港作為主辦地點，理應以香港爭取獎牌機會為最大依歸，但有關方面在決定賽道方面一直沒有向運動員諮詢：「好似去南韓比賽，人哋會安排平路有利佢哋嘅車手，今次我覺賽會浪費咗主場優勢，條路係點都未知，點敢講攞牌。」

市民想打氣都難

根據資料，個人公路賽會以科學園作起點，走過馬鞍山繞道，全程都係高速公路，市民想為港隊打氣都幾難。阿寶認為若以香港爭取獎牌為目標，應安排港將常練習的新娘潭路段及大埔舊路，而若以宣傳方面考慮也可以鬧市，甚至尖沙咀彌敦道或沙田：「或者當局係怕影響交通安排，但難得在自己地方搞比賽，我會覺得幾可惜。」由於未能確定賽道資料，總教練沈金康指至今仍未能決定運動員名單：「中國、日本、南韓隊都曾問我攞料，我說不知道，他們還以為我故作神秘。如果是別國主辦我定會狠狠批評，但今次是香港自己辦就不便出聲了。」