三級方程式莫他拿爆冷封王

澳門大賽車壓軸戲十五個圈的三級方程式賽事，由法國的禾尼排頭位，瑞典的艾力臣排次席，賽前二人一直是奪標熱門。不過，一開賽艾力臣即被莫他拿等其他車手追過，其後莫他拿便與禾尼兩個同屬Signature車隊的隊友展開大鬥法。

禾尼一直領先，直至尚餘三個圈賽事，他於髮夾彎轉彎時不慎攞錯線，被莫他拿乘機爬頭，並且一直帶返終點，贏得首次澳門格蘭披治大賽車三級方程式冠軍。

賽車女郎戴上彩色假髮，擺明搏出位。	動輒數十萬嘅戰車撞到散晒，同燒銀紙冇乜分別。	呢啲咁激嘅炒車場面頻頻發生，令現場工作人員做到氣咳。
煞科日啦！一班賽車女郎依然咁搏命，擺靚甫士任影唔嬲。	一年一度嘅澳門盛事，觀眾席上逼滿車迷。	呢件戰衣腰間位置印有EAT MY DUST（食我嘅塵）字樣。

終極目標轉戰F1

年僅廿二歲的莫他拿，○六年開始出戰意大利雷諾方程式，○七年轉戰歐洲三級方程式並獲得新秀冠軍，去年再參戰GP2，可以駕馭不同的方程式，堪稱全能車手。

莫他拿賽後即刻賣口乖，話今日是「意大利吉日」，因為自己及贏得國際汽聯世界房車錦標賽總冠軍的泰基尼都是意大利人。

成為澳門三級方程式冠軍，與不少F1總冠軍如冼拿、舒麥加、咸美頓及畢頓一樣，可以名留澳門車壇的史冊上，被問及有否計劃往F1發展，他不諱言是自己夢想：「我當然希望可以在這個最專業的賽事中出賽，但一切仍待經理人等安排。」

■本報澳門直擊