早前暑假除忙於練波外，彤彤同幸明仲有排山倒海嘅工作在身，就係協助籌辦早前在校內舉行嘅二人排球友誼賽，為二人增加不少寶貴經驗！呢個比賽共有六十四隊參加，由籌備到實行全由兩位小妮子一手一腳包辦，忙到不可開交。
協恩校內有個二人排球場，為讓同學有更多實戰經驗，教練林鎮國自九六年開始廣邀友校喺暑假打友賽，更要隊員親自籌辦，從而增加人生經驗。兩位小妮子均表示獲益良多：「其實未考會考前已開始做籌備工作，歷時超過半年，由訂日子邀約友校、搵贊助到正式比賽，全部都要落手落腳做，當中學到不少溝通技巧，更首嘗寫新聞稿及聯絡傳媒採訪，感覺非常新鮮！」
