本文重點
【本報綜合報道】正所謂家有一老、如有一寶，已經三十五歲嘅兩屆MVP拿殊（圖），尋日又再大爆發，個人貢獻「雙20+」，結果助鳳凰城太陽以119比115擊敗76人，總成績7勝1負力壓湖人，升上西岸「一哥」位置。
「雙20+」技驚四座
拿殊嘅近況的確弗到不得了，繼上場對巫師交出17次助攻後，尋日面對76人又再交出20次助攻及21分嘅超級數據，結果助太陽作客贏波。拿殊對上一次奪得「雙20+」，已經要數到四年前對紐約人嘅賽事，而當時正值拿殊生涯高峰，估唔到呢位兩屆MVP愈老愈可愛，今季又再爆發。
拿殊賽後表示：「當我成為自由身時，不少朋友都認為我非常愚蠢，因為我選擇一支與他們認為冇能力贏冠軍的太陽續約，但我重申我很愛這支球隊，我在這裏打球打得很舒服，亦是狀態冒升的原因。」