罰球全炒仲未入局

連續兩場失利後，騎士遇上實力較弱嘅木狼，早已預料會屬一場大廝殺。結果騎士亦冇令球迷失望，三節過後已經領先木狼十五分，所以最後一節「大帝」都可以坐低休息下，最終球隊輕鬆贏104比87，解除不勝魔咒。今場「大帝」上陣33分鐘就攻入24分及9個籃板，表現最佳，不過新拍檔奧尼爾就較令人失望，全場得6分貢獻，且罰球全部「炒粉」。

不過，占士賽後就維護呢位新隊友，佢表示：「我與奧尼爾已經彼此了解，同時亦有默契去互相為大家補位，球隊未來會變得更強。」至於騎士最大勁敵塞爾特人，則繼續開行Turbo贏波，球隊同日於主場118比90大勝公牛，三戰三勝。球會亦宣布，唔會對早前在夜店打架嘅格連戴維斯作出停賽。