27/10/2009

播放本新聞相關短片

西岸三英戰呂布

西岸強隊林立,上季進身季後賽嘅球隊,成績最差嗰隊爵士都有五成八勝率,呢個成績喺東岸足以排第四,可見西岸競爭幾咁激烈。今季湖人依然係西岸擂台躉,但馬刺、金塊同拓荒者來勢洶洶,有力阻止湖人喺西岸稱霸。

馬刺今季加入前籃網主將謝法臣,「鐵三角」鄧肯、柏加同真路比利變成「四巨頭」。老將鄧肯季前更落力減磅,希望可以喺退役前成功標尾會,取下第五枚冠軍指環。

馬刺金塊拓荒者圍剿湖人

拓荒者係一支朝氣勃勃嘅球隊,主力萊爾、艾迪列治、奧登、歐羅同費南迪斯都係二十出頭,有好大進步空間。今季獲經驗控衞安祖米拿來投,隨時產生出上季比立斯轉投金塊般的化學作用。

至於上季西岸亞軍金塊陣容雖無大變動,但以不變應萬變,仍足以挑戰前列。