本文重點
上季總冠軍湖人亦於同日上場，首戰就迎來同市球隊快艇，湖人今季只作出一個變動，就係放走上季頗為重要嘅阿利沙，換入阿堤斯，實力依然強橫。不過快艇同樣有驚喜，皆因今季狀元格芬粉墨登場，呢位大前鋒喺季前賽已嶄露頭角，今季應可助快艇擺脫近季頹勢。（周三早上10時開賽）
湖人季前賽六勝二負嘅成績尚算不俗，但兩大中鋒加素及拜林同受傷患困擾，預期今場都唔會上陣，所以快艇絕對有機會爆冷贏波。
格芬強攻湖人內線
快艇獲得狀元格芬後，首要目標就係重返季後賽，所以季前賽打得頗為肉緊，與湖人同得六勝二負嘅成績，令人驚喜。基於甘比仍未傷愈，預期快艇季初都會重用格芬，與中鋒卡文打內線，湖人缺少兩將內線主力下唔易應付。以快艇嘅高昂狀態，今場或有機會在初段搶到頭啖湯領先，不過湖人始終係經驗球隊，後來居上亦絕不出奇。