里奧訪問位位猛人

曼聯球星里奧費迪南自從創立網上電子雜誌《#5》後，就身兼主編、記者及創辦人，提供一本集合體育、娛樂及文化嘅網上雜誌給讀者，至今已擁有二百萬人次以上嘅點擊率。亦因為里奧具備名氣，所以《#5》先後邀請到保特、費達拿及Ｃ朗等星級運動員專訪，今次就輪到勒邦占士。

里奧先從音樂入手，問「大帝」點解咁鍾意聽Jay Z，原來Jay Z與占士交情非淺，占士更表示Jay Z就好似自己大哥哥一樣，一直以嚟都好照顧佢，所以兩人就好似知己一樣。至於講到占士心目中嘅最佳陣容，佢就講笑稱自己唔會在內，因為佢要做總經理，負責出糧畀人！而心目中最佳陣容就包括奧斯卡羅拔臣、米高佐敦、大鳥布特、奧尼爾及渣巴，擺明玩嘢！