近年頻頻趁暑假搞「亞洲之旅」冧粉絲嘅高比拜仁，努力有回報，呢位湖人巨星喺ＮＢＡ球衣中國銷售榜上，又一次成為No.1波衫王，今次已係高比仔連續第三年登榜首，唔單只粉絲愛死他，贊助商都攬住佢唔放啦！
ＮＢＡ公布○八至○九賽季運動員球衣暢銷榜，高比仔繼橫掃美國同歐洲市場後，亦成為中國龐大市場嘅「大金蛋」，力壓分列二、三位嘅「大帝」勒邦占士及加納特。一向在內地人氣極盛嘅麥基迪排第四，比「小巨人」姚明高出兩名，至於熱火「閃電俠」韋迪亦唔曳，殺入五強。
今年排行榜另一特點，出現幾位明日之星，好似排第七嘅「蜂王」基斯保羅，而公牛嘅戴歷羅斯及拓荒者嘅萊爾，亦打入前十五名，顯示中國ＮＢＡ粉絲都好識波，唔係一味追求「名牌」。