今個禮拜係內地「黃金周」假期，香港學界體壇同樣熱鬧，由星期二至日都有連場好戲上演，絕對係「學界黃金周」，Super Boy要睇晒全部賽事都要動一動腦筋去分配時間！先係由今日開始至周五呢四日內，就分別有港九、新界共四個區舉行校際游泳賽，當中最矚目梗係沙田及西貢區校際游泳賽啦！呢區高手雲集，體藝、林大輝、浸會呂明才、聖羅撒、沙田官中都係實力分子，競爭肯定好激烈。
去到星期六，就當然要去睇「全港學界精英乒乓球賽」決賽，我要親眼見證邊個學生可以稱霸全港！而禮拜日我仲會去睇丙組聯賽，幫學界足球隊打氣，呢個「黃金周」真係好充實呀！
