本文重點
等咗咁耐，學界賽事終於喺周日（27日）正式開鑼！打頭陣嘅除咗有「全港學界精英乒乓球賽」外，香港學界足球隊亦喺丙組聯賽進行「開咧戰」。雖然佢哋第一場就要對住今季大事擴軍嘅元朗，但學界隊有鄭庭希、朱漢民、黃翠成等曾出戰全國中學生運動會嘅港隊代表壓陣，將有一番惡鬥。
92年以後出世可報名
學仔雖然好想代表學界足球隊比賽，亦知道佢哋會喺周日進行選拔賽，可惜我學校個體育老師唔記得幫我報名，令我唔可以去選拔！好彩我聽到學界隊個領隊胡Sir話，隨時歡迎一班92年以後出世嘅學生「Walk In」報名，我嗰日一定會帶齊全副裝備到場，希望入選代表隊之餘，更爭取十二月喺福建舉行嘅埠際賽入選資格。
日期 時間 賽事 地點
27/9（日） 8:00am 全港學界精英乒乓球賽 彩虹道體育館
9:00am 香港學界足球代表隊選拔賽 馬鞍山遊樂場
1:30pm 丙組聯賽：香港學界Vs元朗 粉嶺遊樂場