克羅地亞「巨塔」卡路域一口氣做出兩個紀錄！佢先喺台維斯盃網球賽世界組四強戰首場單打對捷克史彭力時，瘋狂轟出78個「A士」，打破台盃及ATP歷史上單場比賽最高「A士」數量紀錄（舊紀錄為59球），可惜，卡路域最後以7:6（7:5）、6:7（5:7）、6:7（6:8）、7:6（7:2）、14:16飲恨。呢場「馬拉松戰」兩名球手合共打咗82局，亦追平89年台維斯盃引入Tie break制以來單場局數最多紀錄。經首天兩場單打角逐後，捷克總成績暫以2:0領前。另一場準決賽，西班牙在拿度缺陣下亦以2:0拋離以色列，晉級在望。